PREZERO ARENA GLIWICE PO NASZYMU
Poznej niyskōńczōne ymocyje
Hala PreZero Aryna Gliwice kaj króluje szpas i szport je jednym z nojbarzij modernych i nojsrogszych łobiyktów w Polsce. Momy tukej Główno Aryna, kero może pomieścić prowie 17 000 widzōw, a zarozki obok Mało Arena do 3 500 widzów i ściana spinaczno - Chwyciarnia. Cołki łobszar, w tym teryny zewnyntrzne, pokrywo 10 ha.
Łobiekt społnio nojwyższe sztandardy globalnych rozwionzań technologicznych. Widowiskowe zawieszenie systymu biny przizwolo mu na wytrzimanie łobciynżynio 62 ton. Systym elektrycznych wyciongów i aluminiowych krampów zapywnio wartko instalacyjo urzondzyń łoświytlynio, klangu i multimedialnych. W łobiekcie je tyż dwusztokowy garaż, co może być użyty do łorganizowanio wystaw abo wydarzeń na zewnontrz. Łodbywajom sie tukej rywalizacyje szportowe i koncyrty muzyczne, ale hala je tyż funkcjonalnie i użytecznie przisztymowano do wystaw, jarmarków i wszyskich zortów wydarzeń takich jak projekcyje filmów, wydarzynia masowe, taneczne, społeczno-polityczne abo fajery połne szpasu i familijne dla nojmniejszych bajtli. Możecie tukej łacno łorganizować niy ino srogie wydarzenia z wystympomi gwiazd, ale tyż myńsze rywalizacyje szportowe, w tym: w hokeju, lekkoatletyce, tynisie, siatkówce, basketbolu, handbalu, fusbalu abo boksie.
Łokrom wydarzeń masowych, PreZero Aryna Gliwice zapraszo tyż łorganizatorōw wydarzeń, co gromadzom myńszo publiczność. Dziynki swojij perfekt akustyce, Mała Aryna je narychtowano na społniynie wymogań publiczności ło wyrafinowanych muzycznych smakach. Pomiyndzy wydarzeniami PreZero Aryna Gliwice je pełno życio miasta, zapraszajonc kluby szportowe do treningów we ścianach łobiektu. Do fanów szportu inkszom atrakcyjom je nojwyższo ściana spinowo w Europie - Chwyciarnia.
Łobiekt mo tyż oferta skerowano do biznesu - Cyntrum Biznesowe i Konferencyjne, to je miyjsce do tworzynio i ryalizowanio wydarzeń biznesowych.
PreZero Arena Gliwice je niy ino placym na widowiskowe fajery, ale tyż przestrzyniom, kaj ekologijo i richtig szpas idom rynko w rynko. Tukej dośwadczysz ekscytacyjo szportu i koncertów, przi byciu elymentem wożnyj pomiany dlo strzodowiska. Łorganizacjo konferyncyjów, wydarzeń szportowych, festiwalów i koncertów je fest zwionzano z intynsywnym wykorzystaniym zasobów naturalnych. Łokrom tego tysionce ludków bowioncych sie, majom tukej wpływ na strzodowisko i ciepiom wiele hasi. Bez to Aryna, razym ze partnerem – PreZero – sztartła w łostanim roku epny program wprowadzynia zmian.
Wczasnij PreZero Arena Gliwice była piyrszym łobiektym w Polsce, co cołkiem wyeliminowoł plastik w przestrzyni cateringu i wkludzioł wielokrotnie używane kubki. Terozki wkludzo dalsze rozwionzania. Używo recyklingowanego papioru, łostrożnie zortuje hasie, a nawet łotwarła stacyjo ładowanio autów na sztrom na jednym z parkingów.
PreZero Aryna Gliwice je niy ino modernym łobiektym, ale tyż innowacyjnom firmom, co łonczy wysoke sztandardy łobsługi gości z myślyniem ło jejich prziszłości.
